Fjording-salet vart tredobla frå 2018 til 2019!
Det betyr at summen som vi skal fordele til gode fjordhestføremål også blir tredobla.
Vi som står bak Fjording-likøren har, som du kanskje veit, bestemt at det settast av 1 amerikansk dollar til fjordhestens ve og vel kvar gong vi sel ei 0,5-flaske. I tillegg set vi av 1 krone for kvar miniflaske (20 cl).
Les gjerne grunngjevinga for kvifor vi opererer med Fjording-donasjonar.
Totalen vart 135.000,- kroner til fordeling no i 2020.
Jippi!
Donasjonane
Summen er sjølvsagt ikkje all verda for kvar enkelt organisasjon som tek i mot støtte. Men kanskje kan det bidra til å gjennomføre eitt ekstra positivt tiltak for fjordhestane og dei som tek vare på dei?
Vi håpar i alle fall det. Og ikkje minst tenker vi på desse donasjonane som eit klapp på skuldra for god innsats.
Alle mottakarane av årets midlar har sørga for framifrå marknadsføring av fjordhesten, stimulert til bruk av fjordhesten blant unge, og bidratt til å sikre ei framtid for den raudlista nasjonalskatten vår.
Følgande organisasjonar er årets verdige mottakarar:
Fjordhest-NM 2020 på Mo/Førde - 20.000 (arrangørstøtte og premiepengar)
Barnas Fjordhestlag - 20.000
Fjordane Folkehøgskule (hestelinja) på Nordfjordeid - 20.000
Norsk Fjordhestgard i Gloppen - 20.000
Landsutstillinga for fjordhingstar 2020 på Nordfjordeid - 10.000 (premiepengar)
Osterøy Fjordhestlag - 7.500
Ørsta og Volda Fjordhestlag - 7.500
Peder Morset Folkehøgskule (hestelinja) i Selbu - 7.500
Stall Brustuen på Toten - 7.500
Skånland stall og rideklubb i Evenskjer - 7.500
Dei resterande 7500,- blir overført til utdeling i 2021.
Toppbilde: Norsk Fjordhestsenter/Øystein Torheim
God fjordhesthelsing frå Øyvind og resten av Fjording-teamet!
